Sampradaya Bhajana Vidyalayam

അത്രാന്തരേ മസൃണ രോഷവശാദ് അസീമ,

നിശ്വാസ നിസ്സഹമുഖീം, സുമുഖീം, ഉപേത്യ,

സവ്രീളം ഈക്ഷിത സഖീവദനാം, ദിനാന്തേ,

സാനന്ദ ഗദ്ഗദപദം ഹരിഃ ഇതി ഉവാച

 

വദസി യദി കിഞ്ചിദപി   ദന്തരുചി കൗമുദീ

ഹരതു ദരതിമിരം        അതിഘോരം

സ്ഫുരത് അധരശീതവേ തവ വദന ചന്ദ്രമാ

രോചയതു ലോചന   ചകോരം

 

പ്രിയേ ചാരുശീലേ       ചാരുശീലേ

മുഞ്ച മയി മാനം        അനിദാനം

സപദി മദനാനലോ    ദഹതി മമ മാനസം

ദേഹി മുഖ കമല        മധുപാനം

(പ്രിയേ ചാരുശീലേ ചാരുശീലേ)

 

സത്യമേവാസി യദി       സുദതി മയി   കോപിനീ

ദേഹി ഖര   നഖര      ശരഘാതം

ഘടയ   ഭുജ ബന്ധനം    ജനയ   രദ ഖണ്ഡനം

 യേന വാ ഭവതി        സുഖജാതം  

(പ്രിയേ ചാരുശീലേ ചാരുശീലേ)

 

ത്വമസി മമ ജീവനം   ത്വമസി മമ ഭൂഷണം

ത്വമസി മമ ഭവജലധി രത്നം

ഭവതു   ഭവതീഹ മയി   സതതം അനുരോധിനീ

തത്ര മമ ഹൃദയം        അതിയത്നം

(പ്രിയേ ചാരുശീലേ ചാരുശീലേ)

 

നീലനളിനാഭം അപി   തന്വി തവ ലോചനം

ധാരയതി കോകനദ  രൂപം

കുസുമശര ബാണ        ഭാവേന യദി രഞ്ജയസി

കൃഷ്ണമിദം ഏതദ്       അനുരൂപം

(പ്രിയേ ചാരുശീലേ ചാരുശീലേ)

​

സ്ഫുരതു കുചകുംഭയോഃ ഉപരി മണിമഞ്ജരി

രഞ്ജയതു തവ      ഹൃദയ ദേശം

രസതു രശനാfപി തവ    ഘനജഘനമണ്ഡലേ

ഘോഷയതു മന്മഥ        നിദേശം (പ്രിയേ ചാരുശീലേ ചാരുശീലേ)

 

സ്ഥല കമല ഭഞ്ജനം മമ ഹൃദയ രഞ്ജനം

ജനിത രതിരംഗ      പരഭാഗം

ഭണ മസൃണവാണി   കരവാണി ചരണദ്വയം

സരസ സദലക്തക    സരാഗം (പ്രിയേ ചാരുശീലേ ചാരുശീലേ)

 

സ്മര ഗരള ഖണ്ഡനം മമ ശിരസി മണ്ഡനം

ദേഹി പദപല്ലവം        ഉദാരം

ജ്വലതി മയി ദാരുണോ    മദനകദനാനലോ

ഹരതു തദ് ഉപാഹിത    വികാരം (പ്രിയേ ചാരുശീലേ ചാരുശീലേ)

 

ഇതി ചടുലചാടു പടു ചാരു മുരവൈരിണോ

രാധികാം അധി വചന    ജാതം

ജയതു പത്മാവതീരമണ ജയദേവകവി-

ഭാരതീ ഭണിതം      ഇതി ഗീതം

 

പ്രിയേ ചാരുശീലേ       ചാരുശീലേ

മുഞ്ച മയി മാനം        അനിദാനം

സപദി മദനാനലോ    ദഹതി മമ മാനസം

ദേഹി മുഖകമല         മധുപാനം(പ്രിയേ ചാരുശീലേ ചാരുശീലേ)

 

പരിഹര കൃത ആതങ്കേ ശങ്കാം ത്വയാ സതതം

ഘനസ്തന ജഘനയാfക്രാന്തേ സ്വാന്തേ പരാന് അനവകാശിനി,

വിശതി വിതനോഃ അന്യോ ധന്യോ ന കോfപി മമാന്തരം,

സ്തനഭര പരിരംഭ ആരംഭേ വിധേഹി വിധേയതാം

 

മുഗ്ദ്ധേ, വിധേഹി മയി നിർദ്ദയ ദന്തദംശം

ദോർവ്വല്ലീ ബന്ധനിബിഡ സ്തനപീഡനാനി,

ചണ്ഡി!, ത്വമേവ മുദം അഞ്ച, ന പഞ്ചബാണ

ചണ്ഡാലകാണ്ഡദളനാദ് അസവഃ പ്രയാന്തൂ

 

ശശിമുഖി!, തവ ഭാതി ഭംഗുരഭ്രൂഃ

യുവജനമോഹ കരാള കാളസർപ്പീ,

തദ് ഉദിത വിഷഭേഷജം തു ഇഹ, ഏകാ

തദ് അധര ശീഥുസുധൈവ ഭാഗ്യഭോഗ്യാ

 

ബന്ധൂകദ്യുതി ബാന്ധവോfയം അധരഃ, സിഗ്ദ്ധോ മധൂകച്ഛവിഃ ഗണ്ഡഃ,

ചണ്ഡി!, ചകാസ്തി നീലനളിനശ്രീമോചനം ലോചനം,

നാസാfന്വേതി തിലപ്രസൂനപദവിം, കുന്ദാഭദന്തി!, പ്രിയേ!,

പ്രായഃ ത്വന് മുഖസേവയാ വിജയതേ വിശ്വം സ പുഷ്പായുധഃ

 

വ്യഥയതി വൃഥാ മൗനം, തന്വി പ്രപഞ്ചയ പഞ്ചമം

തരുണി! മധുര ആലാപൈഃ താപം വിനോദയ ദൃഷ്ടിഭിഃ,

സുമുഖി! വിമുഖീഭാവം താവദ് വിമുഞ്ച, ന മുഞ്ച മാം,

സ്വയം അതിശയ സ്നിഗ്ദ്ധോ മുഗ്ദ്ധേ, പ്രിയോfയം ഉപസ്ഥിതഃ

 

ദൃശൗ തവ മദാലസേ, വദനം ഇന്ദും അത്യുന്നതം,

ഗതർജ്ജന മനോരമാ വിധുതരംഭം ഊരുദ്വയം,

രതിസ്ഥവ കലാവതീ, രുചിര ചിത്രലേഖേ ഭ്രുവൗ,

അഹോ!, വിബുധ യൗവനം വഹസി തന്വി പൃഥ്വീ ഗതാ

 

പ്രീതിം വസ്തനുതാം ഹരിഃ കുവലയാപീഡേന സാർദ്ധം രണേ

രാധാപീനപയോധര സ്മരണകൃത്കുംഭേന സംഭേദവാന്

യത്ര സ്വീദ്യതി, മീലതി ക്ഷണം, അഥ ക്ഷിപ്തേ ദ്വിപേfപി ക്ഷണാത്

കംസസ്യ അലം അഭൂത് ജിതം ജിതം ഇതി വ്യാമോഹ കോലാഹലഃ

 

ഇതി ശ്രീ ഗീതഗോവിന്ദേ ശൃംഗാരമഹാകാവ്യേ    ശ്രീകൃഷ്ണദാസ ജയദേവകൃതൗ

രാധാവർണ്ണനേ ചതുരചതുർഭുജോനാമ  ദശമസ്സർഗ്ഗഃ